Introduction of Tenses in Urdu - Hindi

Tenses

 صحیح انگریزی لکھنے اور بولنے کے لیے Tenses کے صحیح استعمال کا معلوم ہونا بہت ضروری ہے ۔جیسے دیکھنے کے لیے آنکھوں اور سننے کے لیے کانوں کا ہونا ضروری ہے۔

یہ کورس  اسی اہم ترین ضرورت کو پورا کرنے کے لیے بنایا گيا ہے۔  اس میں تمام  Tenses کی بناوٹ اور اس کے استعمال سے متعلق تمام اصول و قواعد وضاحت سے بتائے گئے ہیں۔ اس کے پڑھنے اور ان ويڈيوز كے ديكھنے سے ان شاء اﷲ  ہر چھوٹی بڑی جماعت کے طالب علموں کو صحیح انگریزی لکھنے اور بولنے ميں مدد ملے گی۔

Introduction of Tenses

انگریزی میں Tense ”زمانہ“ کو کہتے ہیں۔ ”زمانے“ کی تین قسمیں  ہیں۔

(1)         موجودہ زمانہ

(2)          گزرا ہوا  زمانہ

(3)         آنے والا زمانہ

انگریزی میں”موجودہ زمانے “ کو( Present Tense   )اور اردو میں ”فعل حال“ کہا جاتا ہے۔ ”گزرے ہوئے زمانے“ کو (Past Tense )اور اردو میں ”فعل ماضی“ کہا جاتا ہے۔ ”آنے والے زمانے“ کو (Future Tense )اور اردو میں ”فعل مستقبل“ کہا جاتا ہے۔

ان Tenses میں سے ہر ایک Tense کی مزيد چار چار قسمیں ہوتی ہیں:

(1)         Indefinite

(2)          Continuous

(3)         Perfect

(4)          Perfect Continuous

ان میں سے پہلی قسم سے کسی کام کے ”ہونے “کا پتہ چلتا ہے، دوسری قسم سے کسی کام کے ”جاری رہنے“ کا پتہ چلتا ہے، تیسری قسم سے کسی کام کے ”مکمل ہوجانے“ کا اور چوتھی قسم سے کسی کام کے کسی ”مقررہ وقت“ یا ”مقررہ مدت“ سے شروع ہوکر ”جاری رہنے“ کاپتہ چلتا ہے۔

 ”زمانے“ کا تعلق ہمیشہ ”فعل“ یعنی (Verb )سے ہوتا ہے۔ لہٰذا یاد رکھئے کہ ”فعل“(Verb )وہ لفظ ہے جس میں زمانے کے اعتبار سے کسی کام کا ”کرنا“ یا ”ہونا“ پایا جاتا ہے۔ اسی خصوصیت کے باعث Verb کو Action Word بھی کہاجاتا ہے۔

ہر ایک Verb  کی تین صورتیں Forms ہوتی ہیں :

(1)         Present  (1^st Form)

(2)          Past (2^nd Form)

(3)         Past Participle (3^rd Form)

ان کے علاوہ 1^st Formکے آخر میں ing لگا کر ایک چوتھی صورت بھی بنانا پڑتی ہے۔ اور اسے Present Particple کہا جاتا ہے۔ یہی چاروں Forms اکیلے یا کچھ اضافے کے ساتھ انگریزی کے تمام کے تمام Tenses میں استعمال ہوتی ہیں۔ اس لیے جب تک کسی Verb کی تینوں Forms زبانی یاد نہ ہوں ہم انگریزی کے Tenses کو صحیح طور پر نہ تو بنا سکتے ہیں اور نہ ہی انہیں استعمال کرسکتے ہیں۔